دقـــايـــق ..لو سمح وقتك دقايق

دقايق .. لو سمح وقتك دقايق
انا مشتاقتلك بالحيل و ضايقه
وحشني صوتك و خوفك عليّ ..
ليالي غيبتك مالها طعم و تضايق
في عيني وين ما ترحل أشوفك
و اسلّي نفسي و اتخيّل وصوفك
يحسبوني نسيت و ما نسيتك ..
وربّي عالم بكل الحقايق
أغنّي بكثر شوقي لك أغنّي
كثر ما كنت لو حبّك سكنّي
و انا من زود ما دمعي فضحني ..
أداري وجهي عن كل الخلايق
أحبّك و انت تدري كيف أحبك
و ما تكفيني في حبّك " أحبّك "
عزاي اني أحبك طول عمري ..
و لا يسوى العمر بعدك "دقايق "